2,3 ФОИЗИ АҲОЛИИ ТОҶИКИСТОН БО ГАЗИ МАҲАЛӢ ТАЪМИН АСТ

                  Душанбе, 24 феврал. (АМИТ «Ховар», Лаззат Диловарзод).- Бино ба маълумоти масъулини «Тоҷиктрансгаз» айни замон меъёри газе, ки аз конҳои маҳаллии ҷумҳурӣ истеҳсол мегардад 2,3 фоизи талаботи умумии аҳолии Тоҷикистонро таъмин мекунад.                  Асосан 98 фоизи сокинони ҷумҳурӣ тавассути гази Ҷумҳурии Ӯзбекистон таъмин мешаванд. Бояд тазаккур дод, ки агар соли 2008 -512 миллион метри кубӣ газ аз Ҷумҳурии Ӯзбекистон ворид шуда бошад, соли ҷорӣ наздик ба 600 миллион метри кубӣ газ ба ҷумҳурӣ ворид карда мешавад .                  Қарзи аҳолии Ҷумҳурии Тоҷикистон дар назди «Ӯзтрансгаз» ба 7 миллион сомонӣ ва аз корхонахо ба 10 миллион сомонӣ мерасад,-иттилоъ доданд аз «Тоҷиктрансгаз» ба мухбири АМИТ «Ховар» .