АВТОМАТДОРӢ КАФОЛАТИ ОРОМӢ НЕСТ

                   Душанбе, 11 феврал (АМИТ «Ховар», Лаззат Диловарзод).- Бино ба маълумоти маркази матбуоти Вазорати умури дохила, дар соли 2008 аз аҳолӣ 1210 адад яроқи оташфишон, аз ҷумла 323 адад автомати «Калашников», пулемёт, гранатамёт, 176 таппонча, 184 адад карабин, 451 адад яроқи суфтамил ва лавозимоти дигари ҷангӣ мусодира карда шудааст.                   Боиси тазаккур аст, ки аз 2-юми декабри соли 1994 то 1-уми январи соли 2009 шумораи яроқи аз дасти аҳолӣ мусодирашуда 30 ҳазору 470 ададро ташкил медиҳад.                   Ғайриқонунӣ нигоҳ доштани 1 яроқ ҳам нишони набудани кафолати оромию осудагӣ мебошад.                   Барои мусодираи яроқ ҳамдастии аҳолӣ бо кормандони мақомоти қудратии кишвар ниҳоят зарур аст, вагар на рӯзе боз садои нохуши он барои касе бадбахтӣ хоҳад овард.