БУНЁДИ БОЗ ЯК ИСТИРОҲАТГОҲ ДАР ДАР ВИЛОЯТИ СУҒД

               Душанбе, 16 феврал. (АМИТ «Ховар», Лаззат Диловарзод).-Бо дастгирии соҳибкорони маҳаллӣ дар арафаи ҷашни Наврӯз дар майдони 36 гектар замини боғи «Чумчуқ-арал» истироҳатгоҳи замонавӣ сохта ба истифода дода мешавад.               Бино ба суханони раиси вилояти Суғд Қоҳир Расулзода соли 2009 масъалаи норасоии истироҳатгоҳ тавассути дастгирии соҳибкорони маҳаллӣ ҳалли худро пайдо мекунад. Ба гуфти раис Президенти кишвар дар яке аз сафарҳояш ба вилояти Суғд ба боғи «Чумчуқ-арал» номи «Наврӯзгоҳ»-ро дода буд ва маҳз дар ҳамин боғ истироҳатгоҳи замонавӣ бунёд карда мешавад. Кӯдакону калонсолон дар иди Наврӯзи имсола дар истироҳатгоҳи нав хуб истироҳат карда метавонанд.