ЧИГИТ ДАСТӢ ЗАҲРОЛУД КАРДА МЕШАВАД

                    Душанбе, 20 феврал. (АМИТ «Ховар», Лаззат Диловарзод).- Бино ба маълумоти гурӯҳи кории Вазорати кишоварзӣ, аз ҳосили пахтаи соли 2008 дар ноҳияи Ҳисор 2232 тоннаи он дар корхонаи пахтатозакунии ноҳия коркард шуд. Аз пахтаи коркардшуда 1259,3 тонна чигити тухмӣ захира карда шудааст.                    Бо сабаби қатъ шудани ҷараёни барқ корхона чигити тухмиро ба хоҷагиҳои пахтакори нохия барои заҳролудкунӣ тақсим кард. Айни ҳол хоҷагиҳо чигити тухмиро дастӣ заҳролуд карда дар анборҳои худ нигоҳ медоранд.                    Ба таври дигар, соли ҷорӣ заҳролудкунии чигит дар хоҷагиҳои пахтакор бо усули бобоӣ анҷом дода мешавад.