ДАР ВИЛОЯТИ СУҒД 58 ФОИЗИ ХОҶАГИҲО ҚАРЗДОРАНД

           Душанбе, 24 феврал. (АМИТ «Ховар», Лаззат Диловарзод).- Бино ба иттилои муовини аввали вазири кишоварзӣ Р.Амиров, хоҷагиҳои деҳқонӣ дар соли 2009 дар асоси механизми нави маблағгузорӣ ба 77131,6 ҳазор доллар ниёз доранд.            Соли 2008 тибқи ҷорӣ намудани механизми нави маблағгузорӣ, ба хоҷагиҳои деҳқонӣ аз бонкҳо ба андозаи 32278,3 ҳазор сомонӣ қарз дода шудааст. Бозгашти маблағҳои қарзи бонкӣ то 1-уми феврали соли ҷорӣ 12979,8 ҳазор сомониро ташкил дод, ки он баробари 40,2 фоиз мебошад. Хоҷагиҳо дар вилояти Суғд аз бонкҳо ба андозаи 58,2 фоиз қарздоранд.