ФАО БА ҲАШАРОТ МУБОРИЗА МЕБАРАД

                Душанбе, 27феврал. (АМИТ «Ховар», Лаззат Диловарзод).- Дар доираи амалӣ шудани чанд лоиҳаи Ташкилоти озуқа ва кишоварзӣ (ФАО)-и Созмони Милали Мутаҳид дар Тоҷикистон кӯмакҳо зиёд мегарданд. Бо иштироки бевоситаи ФАО дар ҷумҳурӣ лоиҳаи «Ҳолатҳои бехатарии озуқаворӣ ва тухмӣ» амалӣ мегардад.                Тибқи барномаи ФАО, соли ҷорӣ барои мубориза бар зидди ҳашароти зараррасон, аз ҷумла малах ба маблағи 724 ҳазор доллари амрикоӣ кӯмаки техникӣ расонида мешавад.                  Боиси зикр аст, ки нисбати ҳамкориҳое, ки ин созмони байналмилали бо Тоҷикистон дорад, вазири кишоварзӣ дар вохӯрии худ бо ҳамоҳангсози лоиҳаи ФАО дар Тоҷикистон Насим Ҷовид нисбати ин созмони байналмилалӣ изҳори қаноатмандӣ намуд.