ГАРДИШИ МОЛ ДАР СЕКТОРИ ҒАЙРИДАВЛАТӢ

                  Душанбе, 16 феврал. (АМИТ «Ховар», Лаззат Диловарзод).- Бино ба маълумоти Кумитаи давлатии омор, таносуби гардиши мол дар савдои сектори ғайридавлатӣ то 1-уми январи соли 2009 98,9 фоизи ҳаҷми умумиро ташкил дод. Ҳаҷми умумии гардиши моли чакана дар бозорҳо ва дигар сохторҳои тиҷоратӣ 4303,0 миллион сомониро ташкил дод, аз он ҷумла дар бозорҳои озуқаворӣ ва ашёи омехтаи ҷумҳурӣ ба маблағи 2615,6 миллион сомонӣ ё ба андозаи 55, 1 фоизи ҳаҷми умумии гардиши моли чакана, мол фурӯхта шудааст.                  Дар ин давра ба маблағи 606,2 млн. сомонӣ чорвои зинда, 204,9 млн. сомонӣ автомобилҳои боркаш ва сабукрав, 341,3 млн. сомонӣ маҳсулоти нафтӣ ва ба маблағи 835 млн. сомонӣдигар молҳо фурӯхта шудаанд.