ХБА БА ТОҶИКИСТОН 120 МИЛЛИОН ДОЛЛАРИ ИМА КӮМАК МЕКУНАД
Душанбе, 18 феврал. (НИАТ «Ховар», Бекназари Абӯбакр). — Хазинаи Байналмилалии Асъор (ХБА) ба Тоҷикистон ҷиҳати коҳиши таъсири манфии бӯҳрони молӣ ва паст кардани сатҳи камбизоатӣ кӯмаки молиявӣ мерасонад. Дар ин бора имрӯз, 18 феврал роҳбари гурӯҳи ХБА оид ба Тоҷикистон Аксел Шиммелпфенниг ба доираи васеи хабарнигорон иттилоъ дод. Ӯ афзуд, ки Ҳукумати Ҷумҳурии Тоҷикистон ва сохторҳои молиявию бонкии кишвар ҳамаи шарту шароитро барои идома ва густариш додани ҳамкорӣ бо ХБА ва дигар созмонҳои байналмилалию кишварҳои мададрасон иҷро намуданд. «Гуфтанист, ки марҳилаи аввали гуфтушунидҳо оид ба таҳияи Барномаи нави ҳамкорӣ ба поён расид. Мутобиқи ин барнома Хазинаи байналмилалии асъор ба Тоҷикистон барои коҳиш додани таъсири манфии бӯҳрони ҷаҳонии молиявӣ ва паст кардани сатҳи камбизоатӣ кӯмаки молиявӣ мерасонад», — идома дод намояндаи ХБА. Бояд қайд кард, ки тибқи Барномаи нави ХБА бо Ҳукумати Тоҷикистон ин созмони молиявии байналмилалӣ дар давоми 3 сол баҳри татбиқи барномаҳои гуногун дар Тоҷикистон 120 миллион доллари ИМА кӯмак мекунад.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
