ИНТИҚОЛИ МАБЛАҒ АЗ ХОРИҶИ КИШВАР КАМ ХОҲАД ШУД

                    Душанбе, 2 феврал. АМИТ «Ховар», Наргис Бояхмедова). — Коршиносони Бонки ҷаҳонӣ пешгӯӣ мекунанд, ки ҳаҷми интиқоли пул аз тарафи муҳоҷирони меҳнатии ҷумҳуриҳои Осиёи Марказӣ дар давоми соли 2009 аз 40 то 50 фоиз кам хоҳад шуд. Ин проблема пеш аз ҳама ба Тоҷикистон, Қирғизистон ва Ӯзбекистон дахл менамояд. Хабар дода мешавад, ки коргарони муҳоҷири қирғиз соли гузашта ба ватан зиёда аз 1 миллиард доллари ИМА, коргарони муҳоҷири Тоҷикистон 1 миллиарду 300 миллион доллари ИМА ва коргарони муҳоҷири Ӯзбекистон 1 миллиарду 800 миллион доллари ИМА фиристоданд.