ИНТИХОБОТ ДАР ҶОЙИ ВАКИЛИ ХОРИҶШУДА

                     Душанбе, 7 феврал.(АМИТ «Ховар», Марзия Саидова).-Пагоҳ 8 феврал дар ҳавзаи якмандатаи интихоботии №4-и ноҳияи Синои шаҳри Душанбе интихоботи вакили Маҷлиси намояндагони Маҷлиси Олии Ҷумҳурии Тоҷикистон ба ҷойи вакили хориҷшуда баргузор мегардад.                   Тибқи иттилои аз Маркази интихобот ва райъпурсии ҷумҳурӣ ба АМИТ «Ховар» расида, дар интихобот ду номзад- Амир Катаев ва Додихудо Абдулов, ки намояндагони Ҳизби Халқӣ-Демократии Тоҷикистон ва Ҳизби наҳзати Исломии Тоҷикистон мебошанд, ширкат менамоянд.                    Қаблан аз ҳавзаи мазкур Каримҷон Қодиров дар Маҷлиси намояндагони Маҷлиси Олии ҷумҳурӣ намояндагӣ мекард, 10 ноябр бо Қарори Ҳукумати Ҷумҳурии Тоҷикистон ректори Донишгоҳи давлатии шаҳри Кӯлоб таъин гардид.