КОНСЕРТИ МУШТАРАКИ ТЕАТРИ «ПАДИДА» ВА ОВОЗХОНИ ӮЗБЕК

                  Душанбе, 2 феврал. АМИТ «Ховар», Таҳмина Ғоибназарова). — Ҳунарпешагони театри таъсиснамудаи ҳунарпешагони маъруфи тоҷик Ҳабибулло Абдураззоқов ва Шарофат Рашидова — «Падида» ба машқи рақсҳо мувофиқи барномаи консертии овозхони ҷавони ӯзбек Севинч Мӯъминова шурӯъ намуданд. Севинч Мӯъминова 7 феврал дар Кохи Борбад консерт намоиш медиҳад. Директор ва роҳбари бадеии театри «Падида» Ҳ.Абдураззоқов ба мухбири АМИТ «Ховар» хабар дод, ки коргардонони овозхони ӯзбек сабти навори мусиқии сурудҳои ӯро ба ҳайати эҷодии театр супориданд.                    Ҳунарпешагони театр ба консерти С.Мӯъминова тайёрӣ мебинанд. Машқи муштараки онҳо баъди ба Душанбе омадани овозхони ӯзбек оғоз меёбад.