ЛИФТҲО БАРҚАРОР МЕГАРДАНД

                   Душанбе, 16 феврал. (АМИТ «Ховар», Лаззат Диловарзод).- Бори аввал раиси шаҳри Душанбе Маҳмадсаид Убайдуллоев ба раисони ноҳияҳо супориш додааст, ки бо истифода аз тамоми имкониятҳои мавҷуда ва ҷалби сарпарастон то Наврӯзи соли 2009 таъмиру барқарорсозӣи лифтҳои биноҳои истиқоматиро анҷом диҳанд.                   Боиси ёдоварист, ки ин супориш ҳини суханронии раиси шаҳри Душанбе Маҳмадсаид Убайдуллоев дар ҷаласаи васеи шаҳрдории шаҳри Душанбе моҳи январи соли ҷорӣ, ки бо иштироки раисони шаҳраку маҳаллаҳо, кооперативҳои соҳибмулкони манзил ва дигар масъулини сохторҳои марбута баргузор гардида буд, арзёбӣ гардида буд. Дар ин ҷаласа ҳамчунин вусъати корҳои омодагӣ оид ба таҷлили ҷашни 20-солагии истиқлолият ва нигоҳдории фонди манзил дар ҳудуди шаҳр мавриди баррасӣ қарор дода шуда буд.