МАЙДОНИ КИШТИ КАРТОШКА БА 364 ГЕКТАР РАСОНИДА МЕШАВАД

                 Душанбе, 20 феврал. (АМИТ «Ховар», Лаззат Диловарзод).- Мувофиқ ба дурнамои тасдиқгардида, соли 2009 кишти картошка дар ноҳияи Тоҷикобод ба 364 гектар расонида мешавад. Барои дар ин масоҳат гузаронидани кишт 1274 тонна картошкаи тухмӣ бояд захира мешуд.Санҷишҳои мутахассисон нишон доданд, ки дар ноҳия захираи картошкаи тухмӣ ҳамагӣ 665 тоннаро ташкил медиҳад. Соли ҷорӣ ҳамчунин барои пурра ба анҷом расонидани кишти баҳории ғалладона 177, 6 тонна тухмӣ зарур аст. Ноҳия бошад, барои кишти баҳорӣ ҳамагӣ 80 тонна тухмӣ захира кардааст.                 Боиси ёдоварист, ки аз фонди бозгашти Вазорати кишоварзӣ соли 2008 ба ноҳия 120 тонна гандуми тухмӣ дода шуда буд, аз он ба вазорат ҳамагӣ 41,3 тонна бозгашт шудааст.