МАРОСИМИ ШИНОСОӢ БО ФАЪОЛИЯТИ ШИРКАТ

                      Душанбе, 10 феврал. АМИТ «Ховар», Покиза Маҳмадбекова ). — Имрӯз дар Палатаи савдо ва саноати ҷумҳурӣ маросими муаррифии намояндагии ширкати «Цепелин Интернатционал АГ» баргузор гардид, ки намояндаи расмии ширкати «Катерпилар» мебошад. Ширкати мазкур дар соҳаи истеҳсоли техника ва таҷҳизоти сохтмони роҳҳо, кишоварзӣ ва истихроҷи маъдан дар ҷаҳон шӯҳрати калон дорад. Намояндаи ширкат Константин Девлер зикр кард, ки намояндагони он дар давраи солҳои 2004 — 2007 бо вазорати нақлиёти Тоҷикистон дар масъалаи фурӯши техникаи роҳсозӣ силсилаи қарордодҳо имзо кардаанд. Дар давоми солҳои 2007 — 2008 низ бо ширкати «Талко — Персия» дар масъалаи фиристодани техника барои сохтмони НБО Роғун қарордод имзо шуда буд.                    К.Девлер афзуд, ки техникаи сохти ширкат дар Корхонаи муштараки «Апрелёвка» ва Корхонаи тиллои «Зарафшон» истифода б урда мешавад.