МУЛОҚОТ БО НИЗОМИЁН

                     Суғд, 24 феврал. (АМИТ «Ховар», Самад Юсуфӣ, Мирзалӣ Амонов).- Кормандони прокуратураи гарнизони ҳарбии вилояти Суғд ба муносибати 16-умин солгарди ташкилёбии қувваҳои мусаллаҳи мамлакат ва соли бузургдошти Имоми Аъзам бо хизматчиёни ҳарбии яке аз қисмҳои ҳарбӣ мулоқот карданд. Сардори прокуратураи гарнизони ҳарбӣ полковник Мирзоев хизматчиёни ҳарбиро ба шарафи ид табрик карда, роҷеъ ба дастовардҳои Ҷумҳурии Тоҷикистон дар давоми солҳои истиқлолият, кам шудани миқдори ҷинояткорӣ ва таъмини шароит барои меҳнати осоишта сухан ронд.                      Меҳмонон баъди мулоқот бо тарзи коргузорӣ дар қисми ҳарбӣ, китобхона, ошхона ва коргоҳи нонпазӣ шинос шуданд.                      Полковник Мирзоев аз китобхонаи шахсии худ ба китобхонаи қисми ҳарбӣ даҳ номгӯи китоб тақдим намуд.