МУЛОҚОТИ ЭНЕРГЕТИКҲОИ ОСИЁИ МАРКАЗӢ ДАР АЛМААТО

                  Душанбе, 19 феврал. АМИТ «Ховар», Наргис Бояхмедова). — Энергетикҳои мамлакатҳои Осиёи Марказӣ ва Афғонистон имрӯз дар шаҳри Алмаатои Ҷумҳурии Қазоқистон имкониятҳои бештар сохтани эътимоднокии системаҳои интиқоли қувваи барқро муҳокима карданд. Аз намояндагии Агентии рушди байналхалқии ИМА дар Осиёи Марказӣ ба АМИТ «Ховар» хабар доданд, ки мулоқот бо ташаббуси Агентии рушди байналхалқии ИМА ва Ассоситатсияи энергетикии ин мамлакат баргузор гардид. Дар он намояндагони ширкати «Барқи тоҷик» низ иштирок намуданд.                   Иштирокчиёни мулоқот системаи муҳофизати махсусро барои интиқоли қувваи барқ, истифодаи онро дар мавридҳои ғайричашмдошт, бештар сохтани эътимоднокии системаҳои интиқоли қувваи барқ ва ҳаҷми мубодилаи қувваи барқро бо системаи энергетикии Афғонистон баъди анҷом ёфтани сохтмони хати интиқоли барқи 220 киловаттаи «Шимол — Шарқ» — и Афғонистон баррасӣ менамоянд.