НАМОИШ ВА ФУРӮШИ НИҲОЛУ ГУЛҲО ДАР ДУШАНБЕ
Душанбе, 28 феврал. АМИТ «Ховар», Людмила Дубинина). — Субҳи имрӯз боғи «Дӯстии халқҳо» — и ноҳияи Фирдавсӣ хеле серодам буд. Дар ин ҷо бо ташаббуси вазорати кишоварзӣ ва Кумитаи давлатии ҳифзи табиати ҷумҳурӣ намоиш ва фурӯши ниҳоли дарахтони мевадиҳандаю сояафкан ва ороишӣ, буттаю гулҳо, тухми зироатҳои гуногун, сабзавот, зироатҳои полезӣ ва ғайра ташкил карда шуд. Одамон баробари дамидани субҳ барои харидани ниҳолу гул ё тамошои консерт ба ин ҷо мешитофтанд. Мухбири АМИТ «Ховар» хабар медиҳад, ки талабагони мактаб — интернати № 1, донишҷӯёни Донишгоҳи аграрӣ, гурӯҳи ҳунарии «Гулдаста» ва ҳунарпешагони маъруфи филармонияи давлатӣ ба ҷамъомадагон консерти калон намоиш доданд. Сардори раёсати парвариши набототи вазорати кишоварзӣ Саидмурод Баҳриддинов зикр намуд, ки чунин намоишгоҳҳои ниҳолу гул аз рӯи анъана ҳар сол дар арафаи фаро расидани фасли баҳор ва оғози мавсими кишту кор дар тамоми шаҳру вилоятҳои мамлакат гузаронида мешаванд. Дар ин ярмаркаҳо ба аҳолӣ ниҳоли дарахтон, кӯчати помидору бодиринг ва зироатҳои полезӣ фурӯхта мешаванд, ки дар гармхонаҳо парвариш карда шудаанд.Дар ярмаркаи имрӯза хоҷагиҳои деҳқонӣ ва давлатии ноҳияҳои тобеи марказ ва водии Рашт ширкат варзиданд. Чунин ярмаркаҳо чанде пеш дар вилоятҳои Суғду Хатлон ва минтақаи Кӯлоб низ баргузор гардиданд. С.Баҳриддинов афзуд, ки имрӯз дар пойтахти мамлакат на танҳо намоишу фурӯши ниҳолу гул ташкил карда шуд, балки аҳолии шаҳр аз вазъи мусоиди ҳаво истифода бурда, ба шанбегӣ баромад. Сокинони маҳалҳои гуногуни пойтахт, хусусан ҷавонон, талабагон ва донишҷӯён кӯчаҳо, гулгаштҳо ва хиёбонҳоро аз ахлоти дар давоми зимистон ҷамъшуда тоза карда, ба тартиб меоранд. Имрӯз, инчунин, дар боғи «Дӯстии халқҳо» маъракаи ниҳолшинонӣ баргузор гардид. Ҳамаи ин шаҳодат медиҳад, ки ба сарзамини мо фасли баҳор қадам гузоштааст, гуфт дар хотима С.Баҳриддинов. Тарҷумон — Қудратов А
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
