ОҒОЗИ КИШТИ БАРВАҚТИИ ҒАЛЛАДОНА

                Душанбе, 5 феврал. (АМИТ «Ховар», Лаззат Диловарзод).- Аз маркази матбуот ва иттилооти Вазорати кишоварзӣ ба мухбири АМИТ «Ховар» иттилоъ доданд, ки як қатор ноҳияҳои вилояти Хатлон ва ноҳияҳои тобеи ҷумҳурӣ бо истифода аз мусоидии обу ҳавои охирхои моҳи январ ва чанд рӯзи моҳи феврал ба кишти барвақтии баҳорӣ оғоз намуданд.               Тибқи нақша, имсол дар майдони 134 ҳазору 170 гектар кишти баҳории зироатҳои ғалладонагӣ гузаронида мешавад. То 2-юми феврали соли 2009 дар масоҳати 6 ҳазору 973 гектар кишти барвақтии баҳорӣ гузаронида шудааст, ки он баробари 5,2 фоизи нақша мебошад ва нисбат ба ҳамин давраи соли гузашта 1367 гектар зиёд аст.