ОҒОЗИ РӮЗҲОИ ЗАБОНУ ФАРҲАНГИ РУСӢ ДАР ТОҶИКИСТОН

                  Душанбе, 24 феврал. АМИТ «Ховар», Людмила Дубинина). — Бо ташаббуси Донишгоҳи славянии Тоҷикистону Русия ва Бунёди «Ҷаҳони фарҳангии Русия» имрӯз дар Тоҷикистон рӯзҳои забон ва фарҳанги Русия оғоз меёбанд. Маросими оғози рӯзҳои забону фарҳанги Русия дар маркази ҷавонони «Пойтахт» баргузор мегардад.                   Дар давоми рӯзҳои оянда барои иштирокчиёни маърака барномаи калони идонаи устодони санъат намоиш дода мешавад. Иштирокчиёни маърака бо фаъолияти Театри драмавии русии В.Маяковский шинос гардида, ба шаҳри Норак сафар хоҳанд кард. Тибқи барнома, барои омӯзгорони мактабҳои миёна дар мавзӯъҳои гуногуни таълими забони русӣ дар мактабҳои тоҷикӣ семинару машваратҳо гузаронида хоҳанд шуд.