РАФЪИ БӮҲРОНИ МОЛИЯВӢ АЗ ҲИСОБИ ҲАМСОЯ

                   Душанбе, 24 феврал. (АМИТ «Ховар», Лаззат Диловарзод).- Нархи чиптаҳо дар роҳи оҳани Тоҷикистон бо сабаби боло бурдани нархи ҳаракати қатораҳо дар роҳи оҳани кишварҳои ҳамсоя зиёд карда шуд.                  Аз моҳи январ сар карда, Ҷумҳурии Ӯзбекистон нархи ҳаракати қатораҳоро дар роҳи оҳан 3 маротиба зиёд намуд, ки ин ба ҳаракати қаторахои Ҷумхурии Тоҷикистон дар роҳи оҳани давлатҳои ҳамсоя таъсири манфӣ расонида, боиси зиёд шудани нархи чипта дар роҳи оҳани «Душанбе- Москва» гардид.                   Ҳоло дар хатсайри «Душанбе-Москва» нархи чипта дар вагони пласкартӣ аз 652 сомонию 71 дирам ба 793 ва дар вагони купейдор аз 860 ба 1003 сомонӣ боло бардошта шудааст.