ТАҶЛИЛИ 30 – СОЛАГИИ ИНҚИЛОБИ ИСЛОМӢ ДАР ДУШАНБЕ

                       Душанбе, 10 феврал. АМИТ «Ховар», Наргис Бояхмедова). — Имрӯз дар сафоратхонаи Ҷумҳурии Исломии Эрон дар Тоҷикистон ба муносибати 30 — солагии инқилоби исломӣ зиёфати идона ороста мешавад. Ба он намояндагони Ҳукумати Тоҷикистон, парлумони ҷумҳурӣ, олимон, ходимони фарҳанг ва намояндагони воситаҳои ахбори оммавӣ даъват шудаанд.                      Мухбири АМИТ «Ховар» хабар медиҳад, ки солгарди Инқилоби исломии Эрон ҳар сол дар давоми ҳафтаи аввали моҳи феврал ҷашн гирифта мешавад. Тавре ки маълум аст, дар натиҷаи инқилоби исломӣ ҳукумати шоҳ дар Эрон сарнагун гардида, ба ҷои он ҷумҳурии исломӣ ташкил карда шуд.