ВОХӮРӢ БО НАМОЯНДАГОНИ СОЗМОНИ БАЙНАЛМИЛАЛИИ ФАО

                Душанбе, 25 феврал. (АМИТ «Ховар», Лаззат Диловарзод).- Дар Вазорати кишоварзии Тоҷикистон вохӯрии вазири кишоварзӣ бо ҳамоҳангсози лоиҳаи ФАО Насим Ҷовид ва рӯзноманигори миллии ФАО С.Я.Балхова баргузор гардид.                Вазири кишоварзӣ Қосим Қосимов доир ба ҳамкориҳо ва дастгириҳои созмони байналмилалии ФАО дар соҳаи кишоварзии ҷумҳурӣ миннатдории худро баён намуд. Бо мақсади расонидани кӯмак ба оилаҳои камбизоат, бо дастгирии молиявии Бонки Умумиҷаҳонӣ ва бо иштироки бевоситаи ФАО дар ҷумҳурӣ лоиҳаи «Ҳолатҳои бехатарии озуқаворӣ ва тухмӣ» амалӣ мегардад.                Дар доираи иҷрои ин лоиҳа, 1265 тонна тухмии гандум ба аҳолии аз офатҳо зарардидаи вилояти Хатлон дода шудааст. Ҳамчунин барои амалӣ шудани лоиҳа 2100 тонна доруҳои минералӣ барои таъмини хоҷагиҳои аҳолӣ оварда мешавад