А. САМАДОВ: «БОИСИ ИФТИХОР АСТ, КИ АДАБИЁТИ МО БА ЗАБОНҲОИ ДИГАР ТАРҶУМА МЕШАВАД»
Душанбе, 4 март. (АМИТ «Ховар», Бекназари Абӯбакр). — Президенти кишвар Эмомалӣ Раҳмон 19 марти соли гузашта дар мулоқот бо аҳли зиёи мамлакат таъқид карда буд, ки бояд беҳтарин осори адабиёти ҷаҳонӣ ба тоҷикӣ тарҷума шавад ва асарҳои маъруфи адабиёти мо ба забонҳои дигар баргардонида шаванд. Муовини аввали раиси Иттифоқи нависандагони Тоҷикистон Абдулҳамид Самадов дар сӯҳбат бо мухбири АМИТ «Ховар» гуфт, ки ҷиҳати татбиқи ин гуфтаҳои Сарвари Давлат Иттифоқи нависандагон адибонро ба тарҷумаи асарҳои беҳтарини кишварҳои хориҷӣ ҷалб намуда, то имрӯз як қатор асарҳоро аз забонҳои гуногун ба забони тоҷикӣ тарҷума намуданд. Аз ҷумла, яке аз романҳои нависандаи маъруфи қирғиз Чингиз Айтматов «Вақте ки кӯҳҳо меафтанд» ба забони тоҷикӣ баргардонида шуд, ки дар байни асарҳои тарҷумашуда ва ҳаводорони наср маъруфияти бештар пайдо кард. Инчунин, силсилаи ҳикояҳо ва шеърҳои адибони белорусӣ ба забони тоҷикӣ тарҷума шуда, дар шакли китоб нашр шуданд. Маврид ба зикр аст, ки соли гузашта аз ҷониби Маркази тарҷумаи шеър ва Бунгоҳи нашрии «Энитармон-Пресс»-и Англия маҷмӯаи ашъори шоираи халқии Тоҷикистон Фарзона бо забони англисӣ таҳия ва нашр гардид. Ин маҷмӯа ашъори бо сабки нав сурудаи шоираро дар бар гирифта, ҳангоми барномаи шеърхонӣ дар Англия ба дасти хонандагон расид. «Боиси ифтихор аст, ки Фарзона яке аз аввалин шоири муосири тоҷик аст, ки ашъораш бо забони англисӣ тарҷума ва нашр мегардад. То имрӯз ашъори Фарзона ба забонҳои русӣ, ӯзбекӣ, арабӣ ва баъзе забонҳои дигар тарҷума ва нашр шудааст», — тазаккур дод А. Самадов. Маълумотнома аз АМИТ «Ховар» Бо ибтикори Сарвари Давлат соли 2008 дар номгӯи ҷоизаи давлатии ба номи Рӯдакӣ як мукофот барои тарҷума ва густариши робитаҳои адабӣ пешбинӣ шуда буд. Ин ҷоиза насиби муҳаққиқ ва донишманди эронӣ Сайид Нафисӣ барои тадқиқотҳои назарраси осори Маликушшуаро Абӯабдуллоҳи Рӯдакӣ гардид.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
