АФЗОИШИ МАҲСУЛОТИ САНОАТӢ ДАР СОЛИ ҶОРӢ

                        Душанбе, 25 март. (АМИТ «Ховар», Лаззат Диловарзод).- Тибқи маълумоти Вазорати энергетика ва саноат дар моҳи январ — феврали соли 2009 аз 776 корхонаҳои истеҳсолӣ 387 корхона ё 49, 9 фоизи ҷамъи умумии корхонаҳо аз сатҳи моҳҳои январ-феврали соли 2008 бештар маҳсулот истеҳсол карданд.                       Дар Вилояти Мухтори Кӯҳистони Бадашон дар ин муддат аз 12 корхона 2 корхона (16,7 фоиз) нисбати ҳамин давраи соли гузашта истеҳсоли махсулоташонро зиёд карданд.                       Дар вилояти Суғд бошад аз 231 корхона -129 корхона, Хатлон аз 221 корхона- 113 , шаҳри Душанбе дар 2 моҳи соли ҷорӣ аз 235 корхона- 125 корхона ва дар ноҳияҳои тобеи ҷумҳурӣ дар ин давра аз 124 корхона — 33 корхона нисбат ба соли гузашта истеҳсоли маҳсулоташонро афзоиш доданд.                       Дар моҳҳои январ-феврали соли ҷорӣ 288 корхона дар ҳудуди ҷумҳурӣ фаъолият накард.