АМОНАТГУЗОРИ «ОРИЁНБОНК» АЗ ПАНҶАКЕНТ СОҲИБИ МОШИН ГАРДИД

              Душанбе, 17 март. (АМИТ «Ховар», Покиза Маҳмадбекова). — Бурди навбатии тӯҳфаҳо барои амонатдорони депозити мӯҳлатноки «Бурднок»-и ҶСК «Ориёнбонк» бахшида ба Иди Наврӯз баргузор гардид, ки дар он миқдори зиёди тӯҳфаҳои пурарзиш соҳибони худро ёфтанд.               Дар ҶСК «Ориёнбонк» ба мухбири АМИТ «Ховар» иттилоъ додан, ки рақамҳо ва тӯҳфаҳои мизоҷони амонатдорони депозити мӯҳлатноки «Бурднок», дар бозии навбатии бахшида ба Иди Наврӯз гузаронидашуда, қариб ҳамаашон бурд карда, соҳиби лавозимоти рӯзгор, аз қабили мошинаи ҷомашӯи, телевизор, чангкашак ва амсоли инҳо гардиданд. Тӯҳфаи асосии бозӣ — автомашинаи «Чанху»-ро амонатгузор аз шаҳри Панҷакент бурд кард.