БЕМОРИҲОИ ПАРАЗИТОРӢ ДАР ҶУМҲУРӢ АФЗОИШ ЁФТ

                    Душанбе, 28 март. (АМИТ «Ховар», Лаззат Диловарзод).- Бино ба маълумоти Вазорати тандурустӣ, бемориҳои паразиторӣ дар соли 2009 афзоиш ёфтааст. Аз ҷумла бемории лямблиоз — (бемории талхадон) аз 225 нафари дар моҳи январи соли 2008 ба қайд гирифташуда ба 387 нафар, аскаридоз -( бемории кирми меъда) аз 429 ба 619, энтерибиоз — аз 486 ба 741 ва бемории геминолепидоз аз 364 ба 374 нафар расидааст.                    Манбаъ сабабҳои ашхоси ба ин беморӣ гирифтор шударо шарҳ надодааст, ки ин бемориҳо бар асари чӣ норасоие афзоиш ёфтаанд.