«ДАВРОН КОМПАНИЯ» ИСТЕҲСОЛИ МАҲСУЛОТРО АФЗУД

                          Кӯлоб, 25 март. (АМИТ «Ховар», Сулаймон Холов).-Корхонаи нонбарории шаҳри Кӯлоб, ки ба Ҷамъияти саҳҳомии шакли пӯшидаи «Даврон Компания» мансубият дорад, истеҳсоли маҳсулотҳои нонӣ ва қаннодиро нисбат ба ҳамин давраи соли гузашта 2 баробар афзуд. Роҳбари корхона Баҳром Рустамов вобаста ба ин мавзӯъ гуфт: «Истеҳсолоти маҳсулот дар 1 шабонарӯз 2000 сомониро дар бар гирифта дар 2 моҳ ба маблағи 12000 сомонӣ маҳсулотҳои нонӣ истеҳсол намудааст».                           Корхона навъҳои гуногуни нону қанд, нӯшобаҳои ранга ва ғайраро истеҳсол намуда дар дӯконҳо ва бозорҳои шаҳри Кӯлоб ба фурӯш мебарорад. Айни ҳол, дар корхона 60 нафар кор мекунад. Мавриди зикр аст, ки ба ғайр аз истеҳсолот дар корхона таъмири ҷорӣ давом дорад, ки маблағи он беш аз 300 ҳазор сомониро ташкил медиҳад-афзуд Баҳром Рустамов.