КӮМАК БА ҶАМОАТҲОИ ДЕҲОТ ДАР ШАҲРИ ВАҲДАТ

                     Душанбе, 25 март. (АМИТ «Ховар», Лаззат Диловарзод).- Мақомоти иҷрояи маҳаллии ҳокимияти давлатии шаҳри Ваҳдат бо мақсади беҳбудӣ бахшидани кори ҷамоатҳо чорабиниҳои зарурӣ, ба мисли гузаронидани маҷлисҳои назоратӣ, санҷишҳои ҳолати ҳуҷҷатгузорию коргузорӣ, доир намудани семинару машваратҳои омӯзишӣ ва аз аттестатсия гузаштани роҳбарону кормандони онҳоро амалӣ намуд, ки ин иқдом дар ниҳояти кор боиси хеле ҳам беҳтар гардидани фаъолияти ҷамоатҳои деҳот гардид.                     Аз ҷониби роҳбарияти ноҳия бо иштироки раисони ноҳияҳо 64 маротиба маҷлисҳои назоратӣ доир гардида, дар онҳо масъалаҳои рафти иҷрои қарору амрҳо, ободонии деҳаҳо, кабудизоркунии шоҳроҳҳо, танзими ҷашну маросимҳо мавриди арзёбӣ қарор дода шуданд.