КӮМАКИ САҲА БА МАРКАЗИ МАТБУОТИ ҶУМҲУРӢ

                     Душанбе, 27 март. (АМИТ «Ховар», Людмила Дубинина). — Имрӯз дар Душанбе маросими супоридани кӯмаки техникии намояндагии Созмони амнияту ҳамкории Аврупо дар Тоҷикистон ба толорҳои маҷлисҳои Ҷамъияти саҳҳомии «Иттилоот ва муошират» баргузор гардид. Ба ҷамъияти мазкур, аз ҷумла, асбобу анҷоми тарҷумаи ҳамзамон, 21 микрофон, 50 гӯшӣ, лавҳаи сатрҳои равони «Самсунг», ду асбоби гарму хунуккунандаи ҳаво, инчунин, компютерҳои инфиродӣ ва диктофонҳо супорида шуданд.                      Дар маросими супоридани кӯмак роҳбари намояндагии САҲА дар Тоҷикистон Владимир Пряхин, сардори раёсати иттилоотии ВКХ Тоҷикистон Давлат Назриев, афсари Агентии ҳамкории байналхалқии Швейтсария Мария Мелбинг, мушовирони масъалаҳои матбуоти САҲА Михаил Унланд ва Алишер Каримов иштирок доштанд.