МАЪРАКАИ НИҲОЛШИНОНӢ ДАР КЎЛОБ

                 Кўлоб, 2 март. (АМИТ «Ховар», Сулаймон Холов).-Имрўзҳо маъракаи ниҳолшинонӣ дар ташкилот, муассиса ва корхонаҳои шаҳри Кўлоб ба ҳукми анъана даромадааст. Дар ин самт кормандони корхонаи давлатии фаръии «Хоҷагии манзил»-и шаҳри Кўлоб ба ҳашар баромада дар маҷмааи 2700 солагии шаҳри Кўлоб боғи истироҳатии ба номи Мир Саид Алии Ҳамадонӣ ва боғи 15- солагии истиқлолияти Тоҷикистон ба шинондани гулу гулбутта, нарм кардани замин, тоза кардани обравҳо саҳми худро гузошта истодаанд. Тағоймурод Ҷумъаев роҳбари корхона вобаста ба ин мавзўъ гуфт: « Кормандони корхонаи мазкур то ин ҷониб зиёда аз 2300 бех ниҳолҳои дарахтони сояафкан ва мевадиҳанда шинондаанд, ки 1600-тои он дар роҳу роҳравҳо шинонда шудааст. Ба гуфти Т. Ҷумъаев, ниҳолҳо аз тарафи муассисаи ниҳолпарварии шаҳр бо таври ройгон дастрас карда мешавад».