МУЛОҲИЗАҲО ДАР АТРОФИ ФИҚҲИ ИМОМИ АЪЗАМ

                        Душанбе, 19 март. (АМИТ «Ховар», Лутфия Эшонқулова).- 19 март дар Донишкадаи соҳибкорӣ ва хизмати Тоҷикистон дар мавзӯи «Имоми Аъзам ва ҳувввияти миллӣ» конфронс баргузор гардид. Дар он иштирокчиён дар мавзӯъҳои «Хусусияти эҷодиёти Имоми Аъзам», «Замони Имоми Аъзам», «Ҷараёнҳои илмӣ, динӣ ва фалсафӣ дар замони Имоми Аъзам» ва ғайра маърӯзаҳо хонданд.                         Сипас, устодону мутахассисони соҳа дар атрофи фиқҳи Абӯҳнифа Имоми Аъзам баҳсу мунозира намуда, қайд карданд, ки фиқҳи Имом барои рушди фарҳанги халқи тоҷик, ривоҷи маънавиёт ва илму адаби оламшумули он дар асрҳои минбаъда заминаи мустаҳками ҳуқуқӣ ва динӣ гузошт.                         Ҳамчунин, дар бораи мутафаккирони минбаъда Муҳаммад Абду, Саид Ҷалолиддин Афғон ва Муҳаммад Иқбол, ки дар фиқҳи ислом мақоми хос доранд ибрози ақида карда шуд.