МУНОСИБАТҲО ХУБТАРУ НАЗДИКТАР МЕШАВАНД

                     Душанбе, 27 март. (АМИТ «Ховар», Лаззат Диловарзод).- Моҳҳои охири соли ҷорӣ дар муносибатҳои ҳамсоягии ҷумҳуриҳои Тоҷикистону Ӯзбекистон дар ҳалли масъалаҳо майли ҳамкориҳо бештар эҳсос мегардад.                     Барқарор шудани хати барқи Туркманистон тавассути қаламрави Ӯзбекистон, интиқоли газ, кам кардани соати нигоҳдории беасоси қатораҳои Тоҷикистон дар роҳи оҳани марзи кишвари ҳамсоя ва боз бисёр чизҳои дигаре, ки нишони гармшавии муносибатҳо миёни ин ду кишвари бо ҳам асрҳо дӯсту бародар мебошанд, аз чашми коршиносон дур намондааст.                     Ба гуфти сармутахассиси Маркази тадқиқоти стратегии Тоҷикистон Тағай Раҳмонов, «он амале, ки ҷониби Ӯзбекистон интиқоли нерӯи барқро барқарор намуд, нишонаи якуми розигии президенти Ӯзбекистон ба беҳгардонии муносибатҳо мебошад».