ОЗМУНИ ИМОМИ АЪЗАМ ДАР МӮЪМИНОБОД

                    Мӯъминобод, 17 март. (АМИТ «Ховар», Сулаймон Холов).-Дар мактабҳои таҳсилоти умумии ноҳияи Мӯъминобод бахшида ба ҳаёт ва эҷодиёти мутафаккири бузурги тоҷик Имоми Аъзам озмунҳо гузаронида мешаванд. Мақсади онҳо огоҳ намудани насли наврас аз гузаштаи халқу кишвар, дар онҳо тарбия намудани ҳисси худшиносии миллӣ, вусъат додани ҷаҳонбинии хонандагон ва арҷгузорӣ аз заҳмату эҷодиёти Имоми Аъзам мебошад.                    Мушовири шӯъбаи маорифи ноҳия Назриҷон Миров ба мухбири АМИТ «Ховар» гуфт, ки чунин озмунҳо то имрӯз дар мактабҳои № 1-и гимназияи «Ҳиммат», мактаб интернати № 30, мактабҳои № 14 ва 48 гузаронида шуда, хонандагони беҳтарин ба мукофотҳо сарфароз гардонида шуданд».