САФАРИ САФИРИ ЭРОН БА ҚӮРҒОНТЕППА

                   Қӯрғонтеппа, 2 март (АМИТ «Ховар», Мурод Сотиев). — Сафири кабири Эрон дар Тоҷикистон Алиасғарӣ Шеърдӯст рӯзи шанбеи 28 феврал барои боздид ба шаҳри Қӯрғонтеппа омад. Вай дар ин ҷо бо раиси вилояти Хатлон Ғайбулло Авзалов мулоқот кард. Мусоҳибон аз ҷараёни ҳамкории тиҷоратию иқтисодии Тоҷикистону Эрон ва амалӣ сохтани барномаҳои иқтисодӣ дар вилояти Хатлон изҳори қаноатмандӣ намуданд.                   Қайд карда шуд, ки фаъолияти ширкати «Мурғи порсиён» дар вилояти Хатлон бомуваффақият давом дорад. Дар ин ҷо асосан тухми мурғ истеҳсол карда мешавад. Натиҷаҳои самарабахши ҳамкории ҳар ду кишвар дар соҳаҳои энергетика ва маориф таъкид карда шуданд. Сафири Эрон баъдан дар маросими издивоҷи гурӯҳи калони ҷавонон ширкат варзид, ки бо ташаббуси вазорати меҳнат ва ҳифзи иҷтимоии аҳолии Тоҷикистон ва Кумитаи байналхалқии имдоди имом Ҳумайнии Эрон дар Тоҷикистон гузаронида шуд.