ШОҲМОТ: ФАРРУХ АМОНАТОВ БА ҶОИ ДУЮМ БАРОМАД

                    Душанбе, 20 март. (АМИТ «Ховар», Пайрав Назаров).- Гроссмейстери тоҷик Фаррух Амонатов дар мусобиқаи байналмилалӣ оид ба шоҳмот барои гиромидошти хотираи Георгий Аъзамов дар шаҳри Тошканд ба ҷои дуюм баромад.                      Фаррух Амонатов, ки дар даври 4-ум бар шоҳмотбозӣ Русия, устоди байналмилалӣ Павел Потапов пирӯз шуд, 3,5 имтиёз ба даст овардааст. Амонатов дар даври панҷум бо гроссмейстери рус Виталий Сешковский, ки бо 4 имтиёз байни 98 нафар дар ҷои аввал мебошад, бозӣ хоҳад кард.                      Шоҳмотбози тоҷик Соҳиб Ҷӯраев бо 2,5 имтиёз дар ҷои 30-юм ва Неъмат Зиёев бо 2 имтиёз дар ҷои 45-ум ҷойгир шудаанд. Намояндагони дигари Тоҷикистон Темур Гадоев 1,5 имтиёз, Сӯҳроб Ҳошимов ва Давлатмамад Сангмамадов якимтиёзӣ, Асила Мӯҳтоҷзода ним имтиёз доранд.