СОДИРОТИ ПАХТА БА ХОРИҶИ КИШВАР КАМ ГАРДИД

                   Душанбе, 25 март. (АМИТ «Ховар», Лаззат Диловарзод).- Аз маълумоти Кумитаи давлатии омори ҷумҳурӣ маълум гардид, ки содироти нахи пахта ба хоричи кишвар дар ҳаҷми умумии содироти молҳо 12, 4 фоизро ташкил дод.                   Дар моҳҳои январ- феврали соли ҷорӣ ба хориҷи кишвар 14 ҳазор тонна нахи пахта ба маблағи 15 миллион доллар содир шудааст, ки нисбат ба моҳҳои январ-феврали соли 2008 аз рӯи ҳаҷм 1,4 ҳазор тонна ва аз рӯи арзиш ба маблағи 4, 7 миллион доллар кам мебошад.                   Нахи пахта асосан ба Эрон (26,8 фоиз), Россия (20,7 фоиз), Латвия (14,7 фоиз), Ӯзбекистон (11,6 фоиз), Белорус (8,8 фоиз), Украина, Покистон, Булғория ва Шветсария дар ҳаҷми 4 фоизӣ, Австрия (1,1 фоиз), АМА (0,3 фоиз) содир карда шудааст.                   Нархи миёнаи нахи пахта нисбати соли 2008 ба андозаи 204 доллар арзон шуда, нархи 1 тоннаи он 1072 долларрро ташкил дод.