ТАШАББУСИ НАҶИБ

                   Истаравшан, 4 март. (АМИТ «Ховар», Ҳусейни Нарзулло) — Ҷомеаи меҳнатии муассисаи манзилию коммуналии ноҳияи Зафаробод дар ҷамъомади навбатии худ ба ташаббуси наҷиб даст зад. Бино ба иттилои роҳбари дастгоҳи раиси ноҳияи мазкур Ш. Раҷабов коргарони ин ташкилот қарор доданд, ки аз ҳармоҳа маошашон дастмузди якрӯзаашро ба фонди сохтмони НБО — и Роғун ирсол менамоянд. Дар муроҷиатнома, ки ҷомеаи 65-нафараи ин коргоҳ қабул намудааст, оварда шудааст, ки «нангу номуси тоҷикии мо Тоҷикистонро обод мекунад. Агар ҳамаи мо аз як гиребон сар бароварда муттаҳидона меҳнат намоем, ин иншоот эъмор хоҳад шуд. Сипас, мо ба ҳамаи ташкилоту корхона, муассисаю хоҷагиҳои ноҳияи зикршуда ва берун аз он, хусусан ба тоҷирону соҳибкорони бо нангу номус муроҷиат карда хоҳиш менамоем, ки ин иқдоми моро дастгирӣ намоянд ва ба сафи мо ҳамроҳ шаванд.»