«ТОҶИКАЗОТ» АЗ «ТОҶИКТРАНСГАЗ» ДОМАНГИР АСТ

                    Душанбе, 28 март. (АМИТ «Ховар», Лаззат Диловарзод).- Бино ба иттилои директори корхонаи «ТоҷикАзот» Тоҳирхон Ғозиев, корхонаи муштараки нурибарории Тоҷикистону Кипр — «ТоҷикАзот» бо сабаби таъмин нашудан бо газ фаъолият намекунад. Истеҳсоли маҳсулоти корхона дар моҳи марти соли ҷорӣ ба сифр баробар шуд, ҳол он ки соли 2008 дар ҳамин муддат 10 ҳазор тонна нуриҳои минералӣ истеҳсол шуда буд.                     Ин дар ҳолест, ки бозори нуриҳои минералии Тоҷикистонро тоҷирон аз маҳсулоти пастсифати истеҳсоли Ҷумҳурии Ӯзбекистон ва давлати Покистон пур кардаанд.                     Пас саволи матраҳ намудаи мо ба идораҳои марбута ин аст, ки бо ин амали худ баъди он ки деҳқону заминро қарздор кардаанд, боз киро қарздор карданианд?