ВАҲДАТ ШУДГОРКУНАНДАИ БЕҲТАРИН ДАР ҶУМҲУРӢ

Душанбе, 9 март.(АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорти кишоварзӣ, шудгори заминҳо дар шаҳру навоҳии кишвар давом дорад.То 25-уми феврали соли ҷорӣ дар тамоми вилоятҳои ҷумҳурӣ шудгори заминҳо ба 454 ҳазору 120 гектар расонида шудааст.Миёни ноҳияҳои ҷумҳурӣ ноҳияи Ваҳдат яке аз аввалинҳо шуда,шудгори заминҳоро ба охир расонид.Хоҷагиҳои деҳқонӣ (фермерӣ) ва ассотсиатсияи хоҷагиҳои деҳқонии ноҳия тибқи дурнамо, дар соли ҷорӣ майдони 13 ҳазору 800 гектар заминро барои кишти баҳорӣ омода месозанд.То 2-юми марти сол ҷорӣ хоҷагиҳо ба ҷои 13 ҳазору 800 гектар -13844 гектар заминро хушсифат шудгор намуда, ба кишти баорӣ тайёрӣ мебинанд.