«ВАВИЛОН» БА САҒИРДАШТ РАФТ

                     Душанбе, 25 март. (АМИТ «Ховар», Лаззат Диловарзод).- Ду соли охир ноҳияи Дарвоз симои худро куллан тағйир додааст. Дар ноҳия 22 иншоот ба маблағи 3 млн. 240 ҳазор сомонӣ аз нав сохта ва қисме аз таъмир бароварда шуд.                      Бо мақсади тақвиятбахшии хизматрасонии алоқа дар филиали Ҷамъияти саҳомии «Тоҷиктелеком»-и ноҳия, шабакаҳои нави рақамӣ бо иқтидори 1500 нуқта ба истифода дода шудааст.                     Дар 13 ҷамоати деҳот нуқтаҳои гуфтугӯи телефонии байнишаҳрӣ васл карда шуд. Дар ҷамоати деҳоти Сағирдашт бошад, ширкати алоқаи «Вавилон» фаъолият дорад.                      Дар маркази ноҳия аз бахшҳои алоқаи «Индиго» ва «Билайн» истифода мекунанд.