ЁДИ БУЗУРГВОР

                    Истаравшан, 4 март. (АМИТ «Ховар», Ҳусейни Нарзулло). — Дар толори калони мақомоти иҷроияи ҳокимияти маҳаллии шаҳри Исфара конфронси илмӣ — назариявӣ дар мавзӯи «Соли 2009 — Соли бузургдошти Имоми Аъзам» баргузор гардид. Ҷамъомадро бо сухани муқаддимавӣ муовини раиси шаҳр К. Собитова оғоз кард.                    Котиби масъули ҷамъияти шаҳрии «Дониш» нависанда Субҳон Ёдгорӣ «Дар бораи зарурат ва аҳамияти бузургдошти Имоми Аъзам» ва мутахассиси бахши дини дастгоҳи раиси шаҳр Ҷамолиддин Раҳмонов оиди «Роҳи ҳаёт ва хизматҳои бузурги Нӯъмон Ибни Собит Абуҳанифа — Имоми Аъзам дар густариши забони форсии тоҷикӣ» маърӯзаҳои ҷолиб карданд. Сархатиби масҷиди ҷомеи «Ҳоҷиён» Софохон Бобохонов пиромуни талаботи мазҳаби ҳанафия, тавсиаи донишҳои исломии омма ва пешгирии як идда ҷавонон аз гаравиш ба равияҳои дигари динӣ изҳори назар кард.