ҲХДТ ДАР ИСТАРАВШАН СОҲИБИ БОҒ ШУД

                      Истаравшан, 9 апрел. (АМИТ «Ховар», Ҳусейн Нарзулло). — Ҳизби Халқии Демократии Тоҷикистон акнун дар шаҳри Истаравшан боғу токзори худро дорад. Ногуфта намонад, ки бахши истаравшании ин ҳизб дар қисмати шимолу ғарбии шаҳр, дар деҳаи Ниҷонӣ дар як га замин боғ иборат аз 500 бех ниҳолҳои себ, нок, зардолу, олу, гелос ва дар майдони як гектар токзор иборат аз ангури навъҳои нодири чиллагӣ, тоифӣ ва кишмиши сиёҳу сафедро бунёд кард.                «Дар бунёди боғу токзори ҲХДТ саҳми аъзои он аз ташкилоти ибтидоии деҳаи Ниҷонӣ, ки аз 150 нафар фаъолон иборат аст, калон мебошад», — гуфт раиси мақомоти иҷроияи маҳалии ҲХДТ Баҳодур Воситов. Фаъолони ҳизб имрӯзҳо дар барқарор кардани боғу токзорҳои кӯҳна дар хоҷагии деҳқонии «Наврӯз» (иборат аз 15 га) ва хоҷагии деҳқонии «Ҳомид Восит» (иборат аз 10 га) саҳми худро мегузоранд.                                                                                                                                                      Таҳрири Жасмин Назарова