АФЗОИШИ ҶИНОЯТ ПЕШГИРӢ МЕШАВАД

                Душанбе, 2 апрел. (АМИТ «Ховар», Лаззат Диловарзод).-Бино ба маълумоти омори расмӣ, соли ҷорӣ ҷинояткорӣ нисбат ба ҳамн давраи соли гузашта 6,5 фоиз афзоиш ёфтааст.                Тибқи иттилои коршиноси тоҷик Авази Юлдош, теъдоди ҷинояти марбут ба қочоқ ва парвариши маводи мухаддир дар соли 2009 афзоиш меёбад, аммо аз нуқтаи назари ӯ он вазъияте, ки даҳ-понздаҳ сол пештар дар Тоҷикистон буд, такрор нахоҳад шуд.                 Ба гуфти коршинос, даҳ сол пеш дар кишвар таҷҳизоти ошкоркунандаи маводи мухаддир хеле кам буд. Имрӯз тамоми гузаргоҳҳои марзӣ, фурудгоҳу истгоҳҳои роҳи оҳан таҷҳизоти муосир гузошта шудааст ва қочоқи маводи мухаддир ба Тоҷикистон ва ё аз Тоҷикистон ба кишварҳои дигар номумкин гардидааст.