АМОНАТҲО БА АНДОЗАИ 5,7 ФОИЗ АФЗУДАНД

                  Душанбе, 10 апрел. (АМИТ «Ховар», Бекназари Абӯбакр). Тибқи маълумоти фаврӣ бақияи умумии амонатҳо дар семоҳаи аввали соли равон ба 2 023,8 миллион сомонӣ баробар шуда, нисбат ба охири соли 2008 ба андозаи 5,7 фоиз афзудааст. Дар ин бора аз маркази матбуоти Бонки миллии Тоҷикистон ба мухбири АМИТ «Ховар» хабар доданд.                   Ба иттилои сарчашма, ҳиссаи амонатҳо бо пули миллӣ ва асъори хориҷӣ дар таркиби ҳаҷми умумии амонатҳо мутаносибан 30,6 фоиз ва 69,4 фоизро ташкил медиҳанд. Ҳаҷми амонатҳои шахсони воқеӣ нисбат ба семоҳаи аввали соли гузашта 158,9 миллион сомонӣ ва ё 25,4 фоиз афзудааст, ки ба ин 48,4 миллион сомонӣ ва ё 8,5 фоиз зиёд гардидани амонатҳо бо пули миллӣ мусоидат намуд.