БЕКОРОН БО ҶОЙИ КОР ТАЪМИН ГАРДИДАНД

                 Душанбе, 11 апрел. (АМИТ «Ховар», Ибодат Давлатова). — Дар давоми семоҳаи аввали соли 2009 ба воситаи Корхонаи воҳиди давлатии «Биржаи меҳнатии ҷавонон» мунтазам ярмаркаҳои ҷойҳои кори холӣ баргузор гардида, дар натиҷа бекорон ба ҷойи кор роҳхат гирифтанд, — иброз дошт дар нишасти матбуотӣ раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов.                 Дар ярмаркаҳо 22 корхонаву муассисаҳо ширкат варзида, 1720 ҷойҳои кори холиро дар дохили ҷумҳурӣ ба зиёда аз 3500 нафар корҷӯён пешниҳод намуданд. Дар натиҷа 136 нафар ба корҳои доимӣ ва 32 нафар ба омӯзиш фаро гирифта шуданд.                 Инчунин, бо ташаббуси Кумита ташкил ва баргузории саёҳати хонандагони мактабҳои таҳсилоти умумӣ ба қисмҳои низомии вазоратҳои мудофиа, корҳои дохилӣ, адлия, ҳолатҳои фавқулодда ва мудофиаи гражданӣ, сарраёсати ҳифзи сарҳади давлатӣ ба роҳ монда шуд.