ДАР ПОЙТАХТ ЯРМАРКАИ КОСИБОН КУШОДА МЕШАВАД

                 Душанбе, 13 апрел. (АМИТ «Ховар», Тахмина Ғоибназарова).-Рӯзи 11 апрел дар маркази фарҳангии «Бактрия» маросими кушодашавии ярмаркаи косибон баргузор гардид. Гузаронидани чунин маросимҳо барои маркази фарҳангӣ анъана шудааст. Дар як сол ду маротиба зимистон ва баҳор устоҳо аз тамоми вилоятҳои ҷумҳурӣ маҳсули ҳунарҳои дастранҷи худро намоиш медиҳанд.                 Дар ин ярмарка иштироккунандагон метавонанд маҳсулотҳои заргарӣ, кулолӣ, либосҳои гулдӯзии занона, сумкаҳо ва ғайраро харанд. Ба ғайр аз ин тамошобинон метавонанд таомҳои миллиро чашанд, ба тамошобинон инчунин, навъҳои гуногуни маҳсулоти қаннодӣ пешкаш карда шуд.                 Дар охир ба ҷамъомадагон навъҳои гуногуни либосҳои навбаромад намоиш дода шуд.