ДАР ВАҲДАТ МУЗДИ МЕҲНАТ ЗИЁД ГАРДИД

                Душанбе, 24 апрел.(АМИТ «Ховар», Лаззат Диловарзод).- Тибқи иттилои раиси шаҳри Ваҳдат Анвари Вайсиддин, дар давоми ду моҳи соли 2009 дар соҳаи хоҷагии халқ беш аз 11 ҳазору 621 нафар ба кор ҷалб карда шуд, ки музди меҳнати онҳо дар ин муддат 4 миллиону 102,6 ҳазор сомониро ташкил дод, ин нисбат ба ҳамин давраи соли гузашта 1 миллиону 133 ҳазор сомонӣ зиёд аст. Ҳисоби миёнаи музди меҳнат ба як коргар ба 178,9 сомонӣ рост меояд, ки ин нишондиҳанда нисбат ба ҳам ин давраи соли 2008 -48,9 сомонӣ зиёд аст.                Ҳисоби миёнаи музди меҳнат дар соҳаи саноат 290, 8 сомонӣ, сохтмон — 306,9, нақлиёт -180,7, кишоварзӣ-85,4, тандурустӣ — 103,7, маориф-195,9, хизматрасонӣ-194,9, бонкҳо -364,6 ва савдо 214,8 сомониро ташкил медиҳад.