КАМБИЗОАТОН БЕПУЛ СОҲИБИ ШАҲОДАТНОМАИ РОНАНДАГӢ МЕШАВАНД

                  Душанбе, 8 апрел.(АМИТ «Ховар», Лаззат Диловарзод).- Бино ба гуфти директори мактаби ронандагии «Азимҷон-96» Маҳмадҷон Мухторов, баъди аз тарафи Вазорати адлия ба таври расмӣ ба қайд гирифтан мактаби мазкур аз 10-уми июни соли 2003 ба фаъолият оғоз кард. Мактабро дар давоми сол 450 нафар ронандагони дорои категорияи «Б» дошта хатм мекунанд. Мактаб дар ду баст фаъолият намуда, дар ҳар баст 30 нафар ронанда таълим дода мешавад.                 Дар таълимгоҳ ҳама шароит муҳайё сохта шудааст. Барои дарсҳои амалӣ 8 мошини гуногунтамға ба ихтиёри курсантҳо дода шудааст.                 Дар соли 2007-2008 35 нафар камбизоатон ва бачагони бесаробон дар ин мактаб ба таври ройгон соҳиби шаҳодатномаи ронандагӣ шуданд.