МАШВАРАТИ ДАР ҲУЗУРИ ЭМОМАЛӢ РАҲМОН
Президенти Ҷумҳурии Тоҷикистон Эмомалӣ Раҳмон бо масъулини Ҳукумати мамлакат, Мушовирони давлатии Сарвари давлат, роҳбарони вазорату идораҳо ва дигар шахсони дахлдор оид ба таҳияи нақшаи чорабиниҳо баҳри иҷрои нишондодҳои Паёми Президенти мамлакат ба Маҷлиси Олии Ҷумҳурии Тоҷикистон машварати корӣ доир намуд. Ба масъулин дастур дода шуд, ки дар зарфи 10 рӯзи оянда нақшаи чорабиниҳо баҳри иҷрои нишондодҳои Паёми Президенти мамлакат ба Маҷлиси Олии Ҷумҳурии Тоҷикистон таҳия ва пешниҳод карда шавад. Таваҷҷӯҳи махсус ба масъалаи гузаштан ба лампаҳои каммасрафи барқӣ зоҳир гардид. Сарвари давлат Эмомалӣ Раҳмон дастур дод, ки аз биноҳои Дастгоҳи иҷроияи Президенти мамлакат ва вазорату идораҳо сар карда, то ҳар як хонавода ҳарчи зудтар бояд ба истифодаи лампаҳои каммасрафи барқӣ гузаранд ва таъкид намуд, ки 241 ҳазор оилаҳои камбизоат бо чунин лампаҳо аз ҳисоби давлат таъмин карда шаванд. Ба Кумитаи телевизион ва радио супориш дода шуд, ки оид ба фоида ва аҳамияти истифодаи лампаҳои каммасрафи барқӣ барномаҳои фаҳмондадиҳӣ таҳия ва пешкаши мардум намоянд. Мутобиқи супориш ба истифодаи лампаҳои каммасрафи барқӣ гузаштан то 1 — уми октябри соли равон бояд пурра ба анҷом расонда шавад. Ҳамчунин таъкид гардид, ки иҷрои супоришҳо оид ба кам кардани андозҳо, афзун намудани қарзҳои бонкӣ ба соҳибкорон, дароз намудани мӯҳлати баргардонии қарзҳои пахтакорон ва паст намудани фоизи ин қарзҳо таъмин карда шавад. Тибқи супоришҳо, баҳри расондани майдони кишти такрорӣ ба 200 ҳазор гектар ва таъмини заминҳои кишоварзӣ бо об бояд тадбирҳои судбахш андешида шаванд. Қатъан талаб карда шуд, ки корҳо баҳри бунёди нерӯгоҳҳои обию ҳароратӣ, тармиму таҷдиди нерӯгоҳҳои амалкунанда, аз ҷумла нерӯгоҳи азими Норак, истихроҷи гази табиии худӣ ва татбиқи лоиҳаҳои инвеститсионӣ дар соҳаҳои стратегии иқтисодиёти кишвар тезонда шаванд. Сарвари давлат Эмомалӣ Раҳмон ҳамчунин оид ба вусъат додани фаъолияти корхонаҳои саноатӣ, аз ҳозир оғоз намудани омодагӣ ба зимистони оянда ва доир ба иҷрои босамару саривақтии тамоми нишондодҳои Паёми Президенти мамлакат ба Маҷлиси Олии Ҷумҳурии Тоҷикистон супоришҳои қатъӣ дод.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
