МУБОРИЗА БАР ЗИДДИ ҶИНОЯТКОРӢ ПУРЗӮР МЕГАРДАД

               Душанбе, 8 апрел.(АМИТ «Ховар», Лаззат Диловарзод).- Бино ба маълумоти ёрдамчии сардори Раёсати агентии назорати маводи нашъадори назди Президенти ҶумҳурииТоҷикистон дар вилояти Хатлон Саидмурод Худойбердиев, дар давоми 3 моҳи аввали соли 2009 дар мубориза ба муқобили гурӯҳҳои нашъаҷалоб дар сарҳади Шурообод бо Афғонистон ду корманди раёсат ба ҳалокат расид. Аз нашъаҷаллобон дар ҷои задухӯрд 65 килограмм маводи нашъаовар мусодира карда шуд.               Ба иттилои ҳамин манбаъ, кормандони Раёсати мазкур муборизаро барои аз байн бурдани қочоқчиёни маводи мухаддир то охир давом хоҳанд дод.